preloader-matrix

Omicron ကိုဗစ်မျိုးကွဲ

ဒီနေ့မှာတော့ ကမ္ဘာတစ်ဝှမ်းမှာ မကောင်းသောကျော်ကြားခြင်းနဲ့ကျော်ကြားတဲ့ covid 19 ဟာ သူ့ရဲ့မျိုးကွဲဖြစ်တဲ့ B.1.1.529 နဲ့အတူတစ်ဖန်ပြန်လည်နိုးထလာတဲ့အကြောင်းကို ဆွေးနွေးသွားမှာဖြစ်ပါတယ်။ B.1.1.529 ကို တောင်အာဖရိကမှာ ၂၀၂၁ခုနှစ် နိုဝင်ဘာ ၉ရက်နေ့က စတင်တွေ့ရှိခဲ့တာဖြစ်ပြီး နိုဝင်ဘာလ ၂၄ရက်နေ့မှာတော့ World Health Organization (WHO) ကို ပထမဆုံး သတင်းပေးပို့ခဲ့တာပါ။ ဒီတလောအတွင်း တောင်အာဖရိကမှာ covid ကူးစက်ပျံ့နှံ့မှုပြန်လည်တိုးမြင့်လာတာနဲ့အတူ B.1.1.529 ကို စတင်တွေ့ရှိခဲ့ကြတာဖြစ်ပါတယ်။
ယခုတွေ့ရှိရတဲ့မျိုးကွဲမှာတော့ မျိုးရိုးဗီဇပြောင်းလဲမှုအများအပြားကိုတွေ့ရှိခဲ့ရပြီး ထိုပြောင်းလဲမှုတွေက စိုးရိမ်စရာဖြစ်စေခဲ့တာပါ။ ဒီမျိုးကွဲဟာ တခြား covid မျိုးကွဲများနဲ့ယှဉ်ရင် covid ကူးစက်ခံဖူးထားပြီး antibody ထွက်နေတဲ့လူနာတွေမှာ ပြန်လည်ကူးစက်ခံရနိုင်ချေပိုများနေတာကိုတွေ့ရှိရပါတယ်။ တောင်အာဖရိကတခွင်မှာတော့ ယခုမျိုးကွဲကူးစက်ခံရသူအရေအတွက်ဟာ နေ့စဉ်မြင့်တက်နေတာကိုတွေ့ရပြီး ထိုမျိုးကွဲကို ယခု covid ပိုးကူးစက်မှုများကို ဓါတ်ခွဲခန်းများမှာအတည်ပြုတဲ့ PCR စစ်ဆေးမှုနဲ့ စမ်းသပ်စစ်ဆေးကြည့်တဲ့အခါ PCR ဟာ ထိုမျိုးကွဲကို တခြား covid မျိုးကွဲများနည်းတူ ဆက်လက်အတည်ပြုစစ်ဆေးချက်ပြုလုပ်နိုင်တာကိုတွေ့ရှိခဲ့ရပါတယ်။
ဥရောပလိုဖွံဖြိုးပြီးသားနိုင်ငံများထဲမှာ အင်္ဂလန်၊ ဘယ်လ်ဂျီယံ၊ ဂျာမနီ၊ အီတလီစတဲ့နိုင်ငံများမှာ omicron ပိုးကူးစက်ခံရသူတွေ တွေ့ရှိနေပြီဖြစ်ကြောင်းတရားဝင်ကြေညာခဲ့ပြီး အာရှတိုက်မှာတော့ omicron ကို ဟောင်ကောင်မှာ စတင်တွေ့ရှိနေပြီဖြစ်ပါတယ်။ ထိုမျိုးကွဲ B.1.1.529 ကို WHO က Omicron လို့အမည်ပေးခဲ့ပြီး omicron ပေါ်ပေါက်လာခြင်းနဲ့အတူ WHO မှ နိုင်ငံများအား ခရီးသွားလာမှုများကို ပိုမိုတင်းကြပ်တဲ့စည်းကမ်းများချမှတ်ဖို့ အသိပေးထားပါတယ်။
ဒါကတော့လောလောဆယ် omicron အကြောင်းသိရသမျှကို ဆွေးနွေးပေးထားတာပါ။ omicron ဟာ ခုမှစပေါ်ပေါက်လာတဲ့မျိုးကွဲဖြစ်လို့ ထိုမျိုးကွဲအကြောင်းကိုအသေးစိတ်မသိရသေးပေမယ့် WHO ကနေ နိုင်ငံများရဲ့ခရီးသွားလာမှုများမှစည်းကမ်းများကိုတင်းကြပ်ဖို့အသိပေးတာကိုကြည့်ရတာနဲ့တင် omicron ဟာ ပေါ့ဆနေလို့မရတဲ့မျိုးကွဲမှန်း ပေါ်လွင်နေပါတယ်။ ဒါကြောင့် HOPE ကစာဖတ်ပရိတ်သတ်များအနေနဲ့လည်း omicron အပါအဝင် covid မျိုးကွဲများအားလုံးရန်မှ ကာကွယ်နိုင်စေရန်အတွက် –
အပြင်ထွက်လျှင် မိမိမျက်နှာနဲ့သင့်တော်သည့် mask တပ်ရန်
တစ်ခုခုကိုင်ပြီးတိုင်း လက်ကိုဆပ်ပြာနှင့်သေချာဆေးကြောရန်
လက်ဆေးဖို့အဆင်မပြေလျှင် handgel အသုံးပြုပြီးသန့်စင်ရန်
လူစုလူဝေးကိုတတ်နိုင်သမျှရှောင်ရှားပြီး တစ်ဦးနှင့်တစ်ဦးအနည်းဆုံး ၆ပေခွာနေရန်
covid ကာကွယ်ဆေးမထိုးရသေးတဲ့သူများဆိုရင် ကာကွယ်ဆေးထိုးဖြစ်အောင်ထိုးရန်
မိမိအိမ်မှာလေဝင်လေထွက်ကောင်းအောင် နေ့လည်နေ့ခင်းပြတင်းပေါက်များဖွင့်ထားရန်
စတဲ့အချက်များကိုလိုက်နာဖို့ အကြံပြုလိုပါတယ်။ အားလုံးပဲ covid ရောဂါဆိုးကြီးရဲ့အန္တရာယ်မှ ကာကွယ်နိုင်ပြီး ကိုယ်ရောစိတ်ပါကျန်းမာတဲ့ဘ၀များကို ပိုင်ဆိုင်နိုင်ကြပါစေလို့ HOPE မှ ဆုတောင်းပေးလိုက်ပါတယ်။
Ref: https://www.who.int/…/26-11-2021-classification-of…


ကျန်းမာရေးနဲ့ ဆိုင်တဲ့ မေးခွန်းများမေးမြန်းလိုပါက HOPE မှ ဆရာဝန်တွေကို မနက် ၈မှ ည ၈ အတွင်း အခမဲ့ မေးမြန်းဆွေးနွေးနိုင်ပါတယ်ရှင့်..
credit : World Health Organization
𝗛𝗢𝗣𝗘 𝗮𝗽𝗽 ဒေါင်းရန် :(For Android)
🤍 https://bit.ly/3sTy2sJ

hope #HopeTeleCareMyanmar #covid

omicron #COVID19

Comments

You may also like these